رۆژی ٢٠٢٣/٣/٩ هاوكات بەبۆنەی رۆژی جلی كوردی بە ئامادەبوونی
قایمقامی قەزای ناوەندیی هەولێر، نوێنەری كونسوڵخانەی ئەمریكا، چەندین كەسایەتی دیاری شاری هەولێر و بەرپرسی حزبی و حكومی و ئەندازیار (شاخەوان تەلعەت) سەرۆكی دامەزراوەی گەشە بۆ پەروەردە و خوێندن و چەندین پەرلەمانتار و كەسایەتی دیاری، بە دروشمی “نەورۆز، ئازادی و گەشانەوەی كوردستان” پەیمانگەی گەشەی ناحكومی فێستیڤاڵی کولتووری سازكرد.
ئەمەش لەپێناو بەرزڕاگرتن و پارێزگاریکردن لە کولتوور و کەلەپوور و شوناسی گەلەکەمان، هەروەها بۆ سەلماندنی بوون و کیانمان وەک گەلی کورد و بۆ زیندووهێشتنەوەی ئادگار و ئاکاری باوباپیرانمان لە یادگەی نەوەی نوێدا.
